人氣男團MIRROR成員「教主」Anson Lo（盧瀚霆）今日（10日）7點多拍完新歌《Megahits》MV後，便即轉往中環出席品牌香水活動。Anson Lo穿上簿身粉藍西裝登場，吸引過千名「神徒」（Fans暱稱）應援，場面非常墟冚！寵粉的教主雖然面帶倦意，仍不斷向粉絲揮手，又露出多個趣怪表情。
受訪時Anson Lo稱今朝拍完MV，就即往工作人員家中梳洗，然後直接到活動現場，期間只在車上小睡10分鐘，他笑說於化妝時感有點頭暈，Anson Lo表示見到Fans即刻精神爽利，「過咗最眼瞓嘅時段，轉頭都要繼續開工，踩足30幾個鐘，而之前最長試過70幾個鐘冇瞓。我知Fans通宵排隊，辛苦晒大家！所以我都冇資格嗌攰。」
問及連續3個月長佔尖沙咀渡輪碼頭大型廣告板，該地點更被形容為「教主碼頭」，Anson Lo直言感謝客戶、神徒支持，「好多Fans、朋友影完相都Send返俾我。」他亦呼籲粉絲不要破費，「同時有Fans好自發性去做善事，佢哋知我鍾意小動物、狗，都會捐錢去助養機構。」
提到他日前於IG Story上傳英文科功課紙，對於有學校以他作為教材，有家長因而直斥偶像風滲透校園，Anson Lo說：「覺得份功課唔關追星事，反而覺得唔止自己，MIRROR都好似已經融入大家心目中，可以話陪住大家成長、經歷生活大小事。」同時亦有家長指他曾演出過同性戀題材的劇集《大叔的愛》，擔心青少年對兩性關係出現疑惑，Anson Lo稱日後會透過作品帶出更多正能量信息。
