由陳維冠監製的無綫劇集《七公主》正在熱播，黃翠如飾演的顧靈珊與以往演繹的角色風格不一樣，初期惹來不少負評，但隨着劇情發展，觀眾也逐漸接受了她的新嘗試，並從負評轉成正評，紛紛向她送上鼓勵，「翠如演呢類角色係新嘗試，演員就係要演活唔同角色，呢啲角色唔討好，但睇落去愈睇愈正！」「有突破！努力！」「翠如喺前幾集係有啲緊張做作，因角色太多負面情緒抑壓內心，見佢後來已可放鬆融入晒角色，演繹得好。」監製陳維冠也很滿意翠如的表現，「大家愈睇落去，就愈會發現翠如嘅吸引力，喺我眼中，佢係有投入到個角色入面嘅。佢應付咁強悍嘅對白可能未必係最好，但佢其實一直有努力去改善，希望大家俾啲機會佢，同埋佢今晚呢場我覺得係ok嘅。」
未來兩集的劇情最新發展，將集中在翠如身上，也因一則重要訊息曝光，發現飾演其師傅的杜燕歌一個大秘密，繼而向他追問詳情，期間爆發情緒，雙眼充滿怒火，更氣得落淚，時而大笑，時而冷笑；顧靈珊雖然予人感覺硬朗又冷漠的感覺，但本性善良，亦因為負責聆訊個案中苦主的悲慘遭遇而壓力爆煲，頭痛兼精神恍惚，身邊時常出現神秘人，為劇情增添詭秘。
另外，丁子朗即將出場，與江嘉敏、劉佩玥有不少對手戲，戲中有脫衣騷肌鏡頭，非常吸睛。
