《2021香港小姐競選》12強佳麗經已誕生，每位各懷「絕技」，美貌與才藝兼備。2號陳懿德（Rachel）畢業於中大新聞系，熱愛歌劇，考獲8級聲樂專業資格，表示自小已喜歡唱歌，「中一、中二媽咪俾我去伍樂城先生嘅音樂學校學唱流行歌，之後再學聲樂同埋考到8級專業資格。」Rachel透露若有機會，會在決賽夜一展歌藝。另外，Rachel亦愛好拍攝，笑言參賽以來都有一項潛藏任務，就是為各佳麗擔任御用攝影師，幫大家影靚相，「佢哋IG甫嘅相，有啲係我嘅作品嚟㗎。」讓佳麗展現最美神態，當然人見人愛，「友誼小姐」這個獎項會否十拿九穩？
14號的邵初熱愛畫畫，有不俗的藝術造詣，她中學時便開始學習畫畫，作品風格別具一格，喜歡圍繞情緒問題的表達或讓女性被關注的題目，有部分作品放於英國的母校作展覽用途，其中有一幅更被老師所購下，她說：「嗰幅畫作有一個企喺唔同水平線嘅自己！表達有時感覺自己無法完全融入周圍嘅環境，就好似喺同一個地方但唔同空間咁，有啲似喺熱鬧環境中但又感到寂寞嘅感覺。」
13號王嘉慧（Cathy）學歷高，畫功也了得，從小就被家人安排參加不同的興趣班，畫畫便是其中一樣，「學吓學吓就真係愛上咗，大概學咗五至六年。依家我得閒都會畫吓畫，用嚟放鬆心情。」手作首飾、珠寶首飾設計圖、食物繪圖、櫻花繒圖、人手縫紉也難不倒Cathy，她透露該批作品是用來投考GCSE (General Certificate of Secondary Education)藝術科目的功課，非常認真。
