Advertisement

野佬闊別舞台3年 首次以4子形式開騷

本地
2021.08.23
143

Yellow(野佬)對上一次開 show 已經係 2018 年,闊別舞台三年,Yellow 野佬將在十月頭與樂迷重聚!由於成員何兆基已離港移民到加拿大,今次開 Show 將會係野佬首次以四子形式演出。

20210823-yellow-3
野佬是次音樂會會以散聚為主題,帶出今日即使各自散到不同的地方,他日定會再次聚在一起,希望可以和樂迷笑住面對目前的種種。阿銘說:「今次音樂會會以散聚嘅嘢 作為主題,相比我哋一貫嘅輕鬆歡笑作風較為正經,甚至帶點沉重,奈何呢一個移民潮正正發生緊喺香港人身上,而我哋亦正在切身面對緊呢個議題,感受好深,影響亦比預期中大。」

20210823-yellow-2
小胡說:「相信好多人都同我哋經歷緊同一樣嘢,身邊好多朋友屋企人都選擇移民,所以今次呢個音樂會亦都係講緊大家近期所經歷嘅事。」Wilson 說:「變幻原是永恆,彷彿是已故黃沾先生對香港人宿命最貼地的描寫,幾十年走來,每一代的我們都學會在變幻尋找一絲安穩,時而嬉笑,偶然怒罵;命運教我們學會隨機而變,離合散聚早早深深注入我們的基因內。 大家心中的那一片天地才是我們真正的家鄉。」

對於隊友何兆基已移民到加拿大,今次音樂會五缺一,剩下的野佬們又會怎樣面對?有什麼想對大家講?阿銘說:「確實有點不習慣。同自己講句盡力做。今日走咗一個。將來唔知會唔會到下一個走,趁仲有得做就盡力做,要把握同珍惜,好好 Enjoy!」阿康說:「對於我嚟講,每一次嘅野佬音樂會都與快樂畫上等號。2018 年之後,世界發生巨變,阿叔回流加國,各隊員適應需時,亦是一個重新思索樂隊方向嘅機會。經過一段時間調整終於再有野佬嘅 concert,而家嘅野佬幽默依然,更加添了幾分感性。」

樂隊Yellow前晚在九展開騷,獻唱多首90年代的經典金曲。(攝影/記者﹕林祖傑)

Wilson 說:「就如每一個香港人一樣,野佬切切實實的在經歷分離的命運,可是我們不敢放棄,不停思考怎樣用新的形式走下去,靜待,我們相信,終有一天會再重聚。」小胡說:「 希望藉住呢個音樂會,鼓勵返大家之如又鼓勵返自己!剩低的,鍛鍊好自己!離開的,好好繼續生活!我們約定一天再見!」

而身處於遠方嘅隊友何兆基亦有些說話想跟野佬說,「以前大家乜都係睇我頭,但今次演唱會,好高興見到我唔喺度嘅時候你哋4個更加團結,無咗我呢個大叔喺度阿吱阿咗,反而見到大家成⻑咗、處事成熟咗。」

野佬
野佬

《 Yellow!野佬散聚嘅野音樂會 2021》
日期:2021 年 10 月 8 日(星期五)
時間:晚上 8 時 15 分
地點:麥花臣場館

姜濤 星級企業大獎2020 陳卓賢
人氣 TRENDING
張家朗 何詩蓓 姜濤 MIRROR ERROR 東京奧運 香港小姐 聲夢傳奇 炎明熹
https://www.mpweekly.com/entertainment/wp-content/uploads/2021/08/yellow-poster-final-low-20210823070632-150x150.jpg