集合了無綫八大花旦嘅《七公主》於上周首播，最新一集輪到高海寧（高Ling）「出招」！高Ling乩然喺劇中卸下靚女包袱、飾演男仔頭司機顧青桐的開啟麻甩基因 。
短短數分鐘戲分，高Ling先後演繹了不忿、感慨、逃避、委屈、沉痛、倔強等多種複雜情緒，眼淚更是非常自然的落下，看得網民大呼心痛：「Feel到佢嗰種Sad」、「佢做戲愈嚟愈好」、「明顯嘅進步」、「想睇佢做多啲唔同嘅戲」，更有網民肉緊擔心謂：「唔知搵唔搵得番個女」。該留言一出，即引來大批「熱心之士」，紛紛尋找青桐女兒「蹤影」：「我估係救隻狗要翠如幫嗰個細路女」、「但生B已經16-7年前，個細路女又太細喎。」更有網民維基細路女資料查探可能性，十分搞笑。另有網民力撐靈珊強硬做法，並直指傷心總好過坐監，足證觀眾看得肉緊。
點擊逐格睇高ling精采演出：
對於喊戲惹來高度討論，高Ling謙稱全靠監製陳維冠（Joe）信任及事前悉心指導：「阿Joe有同我哋圍讀，有執我哋語氣同動作，所以演時好有信心。」高Ling笑指顧青桐開啟了潛藏其體內的麻甩基因，並坦言昨晚播出的喊戲是劇中數一數二難演場口：「既有仇恨又要扮堅強，內心又有種粉碎晒嘅痛。其實做嗰陣係幾度崩潰嘅，因為呢個角色唔會喺人前喊，但又始終都係人會崩潰。呢場戲係一take過，我做嘅時候都好心痛，戥個角色心痛。」高Ling又謂與青桐這個角色很有共鳴：「大家都係表面上嘻嘻哈哈，但其實內心承受緊好多嘢。」
