Advertisement

黃秋生暗示退出劇壇?「夢想好似樂曲咁,會有休止符、完結嘅時候」

本地
2021.08.15
778

 

黃秋生、朱栢康、陳淑儀主演舞台劇《ART呃》
黃秋生、朱栢康、陳淑儀主演舞台劇《ART呃》

黃秋生、朱栢康、陳淑儀主演的舞台劇《ART呃》終於公演,秋生首場完成後,率領全體台前幕後謝幕,獲觀眾大叫「加油」打氣,更疑似暗示「退出劇壇」:「今次我特別多感觸,我喺呢個舞台有好多夢想,特別喺學習嘅時候,我亦喺呢度實現好多嘅夢想。但夢想好似樂曲咁,會有休止符、會有完結嘅時候,有時演出會有不可抗力嘅中斷,如果呢個係告別的話,我希望明年係一個復出。其實我平時不太感性,因為我覺得觀眾同演員係買賣關係,但年紀漸長有另一種感受出來,好多事不是『應份』,中間建立了友誼、支持、愛護,喺呢度我要多謝咁多年幫我實現夢想嘅觀眾和製作朋友。」完騷後,秋生接受訪問表示滿意表現,大讚觀眾表現熱情:「我哋冇咩爆肚嘅,平時排戲係出八成力,有觀眾先有十成,今晚先第一次感受到觀眾嘅反應,之前排嘅效果都出晒來。」

黃秋生、朱栢康、陳淑儀主演舞台劇《ART呃》
黃秋生、朱栢康、陳淑儀主演舞台劇《ART呃》

大受好評的朱栢康,「一輪咀」講出婆媳之間的矛盾,引得觀眾發笑,他強調自己是專業演員,非靠現實生活入戲:「現實中有冇發生過呢啲婆媳關係,都過咗去囉,唔知有冇呢?戲入面我俾黃秋生『爆樽』,過去兩個月佢巳哋研究過用木棒、水管,依家練成咗『鐵頭功』,最怕佢打穿耳膜,聽唔到嘢就演唔到落去。」

同場的陳淑儀已三年沒公開演出,笑言享受每場演出:「我要享受足15場,場場都要過足戲癮!頭先有個位同秋生做戲嗰陣,突然聽到觀眾笑聲,估唔到呢個係笑位,冇啦啦 『焗蟹』!真係好耐都冇感受過觀眾嘅反應,呢個係最大嘅鼓勵。」

捧場的方皓玟曾跟秋生學戲,笑言對方未算「嚴師」,安心跟對方學戲:「因為我演唱會同佢哋舞台劇撞晒期,都唔敢搵佢做嘉賓!呢排都忙緊做演唱會,難得抽到時間睇騷。」

至於第二晚捧場的蘇玉華表示︰「我第三次睇呢個劇,一個好嘅劇本落喺唔同演員手上,會有唔同火花出來。今次三位演員嘅化學作用亦好強,見到觀眾嘅反應,就知係成功,而且好出色,恭喜佢哋越演越爆。」至於老公潘燦良,早年曾在香港話劇團演過這個故事,他坦言︰「我以前做過,有好多感覺同回憶返番嚟,好嘅劇本,見到演員同觀眾好好享受,非常之值得睇。」

+15
陳卓賢 聲夢傳奇 星級企業大獎2020
人氣 TRENDING
張家朗 何詩蓓 姜濤 MIRROR ERROR 東京奧運 香港小姐 聲夢傳奇 炎明熹
https://www.mpweekly.com/entertainment/wp-content/uploads/2021/08/20210815-wong-drama-8-20210815064345-150x150.jpg?v=1629009826