今個月40歲生日嘅薛凱琪（Fiona）日前有好友容祖兒同王祖藍慶祝生日，但狂歡過後竟然要入院……Fiona：「我已經成50幾、60個鐘冇食過嘢，醫生仲話我嚟緊三日都唔可以食嘢同飲水。」到底發生咩事，Fiona 要喺生日月入院呢？
原來Fiona係因為玩得太盡興，腸發炎而入院。前兩日當佢發現腹部痛咗成晚，就決定入院搵醫生做檢查，基本檢查完後，醫生話暫時唔做做手術割盲腸。打完止痛針後嘅Fiona仍然好精神，但係表情睇落就有啲痛苦，「我痛咗大約13個鐘，醫生check完話我腸某個部位發炎，所以要留院觀察、吊鹽水同其他藥。我12日夜晚8點之後已經無食過嘢，醫生話一直唔可以食嘢同飲水，要一直吊鹽水，睇下我會唔會自己康復，如果康復得較慢，佢就會喺我鼻度插管落腸嘅位置，將入面嘅氣同水抽
圖片來源：薛凱琪＠Instagram
