Advertisement

罰你|欣宜拍MV 甘願被連環虐待

本地
2021.08.11
401

欣宜早前推出的《先哭為敬》備受讚賞,今個月緊接推出跳唱新歌《罰你》,《罰你》看似是一首不願受束縛的反叛歌,其實是Joyce的內心寫照。

欣宜
欣宜

「《罰你》呢首歌係可以反映我『叛逆寶寶』嘅一面,哈哈,其實由細到大都好多人同我講『你唔可以咁、你咁樣唔得』我曾經試過好努力聽佢哋、跟佢哋嘅指導去成長、去發展,但到後尾發現,其實未必要聽佢哋話,跟返覺得適合自己嘅模式去做一件事原來更加好,所以呢首歌有少少反映到鄭欣宜自己嘅成長。」

欣宜
欣宜

早前Joyce以三個不同造型,並邀請三位特別嘉賓,參與《罰你》MV拍攝。而三位嘉賓,不約而同來自舞台劇界,分別有梁祖堯、邵美君、以及湯駿業,他們要在MV中,以不同方式輪流虐待Joyce。

「呢個MV嘅概念、人選係開會嘅時候,由郭啟華諗出嚟,我哋一聽到都覺得好正,三位前輩喺MV入面分別飾演我人生唔同階段嘅訓導主任角色,咁佢哋比我辛苦好多,因為要不斷喺度用好多氣力去鬧我,但係我又好冇乜嘢咁樣去回應佢哋!」

在MV飾演惡魔廚師的梁祖堯,遇上前來學烹飪、卻不願遵從指示下廚的Joyce,激得七孔生煙,最後嬲到要用兩塊麵包夾住Joyce塊面,變成「面珠三文治」。

能夠參與今次MV拍攝,梁祖堯覺得相當好玩:「一啲都唔辛苦,雖然剛才導演叫我發惡鬧人,因為唔知鬧乜,我唯有不斷講恭喜發財、恭喜發財,而家把聲都沙沙哋,但我覺得好好玩,剛才用麵包夾面,我知道係Joyce諗出嚟!」

旁邊的Joyce馬上回應:「其實我請你嚟係想你調教鄭欣宜,同埋我諗冇任何人可以擔當『惡魔廚師』呢個角色!」

欣宜
欣宜

至於邵美君及湯駿業,則分別飾演Joyce的無理上司,以及會體訓學生的班主任。

雖然邵美君第一次認識Joyce,但她坦言,捨不得破口大罵她,說:「鬧你其實好難,唔捨得鬧你,你份人又認真、又nice,我覺得呢場戲真係好難演。」

至於飾演班主任的湯駿業,算是三人之中最難演,當他見到無心向學的Joyce,在選擇題試卷上畫公仔,嬲到攞起三尺長的木間尺,痛打Joyce手板。

欣宜
欣宜

原本表現輕鬆的湯駿業,埋位前還搞笑說「好enjoy打Joyce」,但當他「手起尺落」時聽到「啪」一聲,嚇得馬上縮手,反而要Joyce俾膽,示意他繼續打,湯駿業才狠下心詳,連續打手板三、四次,之後Joyce不甘受罰還擊,試圖搶去間尺,混亂間導演終於嗌「goodtake」,湯駿業才放下心頭大石。

+5

「要同大家講聲唔好意思,三十幾歲人仲扮學生,同埋呢條裙,真係我讀中學時嘅校服裙,我着咗上身先發現條裙咁鬼短,我而家已經拉低咗,細個真係好跩,走堂去飲珍珠奶茶,有咩咁好飲呢?為咗3.5加紙嘅一杯珍珠奶茶走堂,不過小朋友記得唔好學呀,呢個係反面教材嚟㗎!」Joyce說。

星級企業大獎2020 姜濤 聲夢傳奇
人氣 TRENDING
張家朗 何詩蓓 姜濤 MIRROR ERROR 東京奧運 香港小姐 聲夢傳奇 炎明熹
https://www.mpweekly.com/entertainment/wp-content/uploads/2021/08/20210811-joyce-4-20210811094745-150x150.jpg?v=1628675268