東京奧運｜坤哥為訪問失言道歉 當事人洪詠甄：事後佢有同我講唔好意思

無綫東京奧運繼陳約臨被批失儀欠專業後，日前再爆採訪災難。吳業坤（坤哥）周奕瑋早前截停採訪香港賽艇選手洪詠甄影片播出，當時吳業坤叫洪詠甄：「冇呀，你走啦！」被唔少網民轟唔尊重選手。

吳業坤

坤哥今日喺社交平台撰文公開致歉，表示自己為《東京五輪直送》節目中同洪詠甄練習後訪問嘅失言道歉。佢話自己喺開幕禮前同洪詠甄完成練習及圍訪後，做咗一個突發訪問，反省當時嘅訪問，自己表現得唔專業同內容處理唔恰當，拍攝後都自覺對佢感到抱歉，驚令對方感到不尊重，所以當刻已即時私訊同佢致歉。

+12

坤哥今日出post再次為自己嘅唔專業致歉，並表示多謝大家嘅批評同意見，佢會繼續反省、吸取教訓，又希望大家繼續支持每一位香港運動員。最後坤哥再次同洪詠甄講唔好意思，祝福佢可以繼續專心做佢喜歡同熱愛嘅事。

而另一當事人洪詠甄都有喺IG story回應事件，佢話冇諗過一個小小訪問會引嚟咁多人關注。詠甄解釋當時大家都係以輕鬆心情完成訪問，而坤哥事後都有同佢講唔好意思，並續說自己冇特別在意呢件事，亦希望大家唔需要過度反應，享受今年嘅奧運。

+6

圖片來源：吳業坤、洪詠甄、my TV SUPER(www.mytvsuper.com)