簡慕華與徐㴓喬因《大叔的愛》帶挈，工作不斷，最近她倆與張立基一起拍廣告，借助《大叔的愛》與MIRROR的人氣惡搞一番。張立基穿著與Anson Lo（盧瀚霆）近似，亦跳出MIRROR的《IGNITED》舞步，有意模仿對方，他表示：「接呢個廣告要扮Anson Lo，希望Anson Lo嘅fans唔好介意，純粹做gimmick性嘅嘢。我有上YouTube睇MIRROR同Anson Lo嘅舞，Anson跳得好好，以我專業人去睇，佢跳舞好成熟，希望佢更努力，希望 MIRROR 帶到新潮流俾香港，因為最近香港樂壇比較靜，青黃不接，MIRROR 可以突圍而出，希望佢哋珍惜機會，為香港樂壇唱跳方面更進一步。」
張立基在拍攝前獲廣告商安排先跟排舞老師練習，已有一段時間沒有練舞的他只在短短兩小時內便迅速學會，拍攝時亦幾乎沒有NG，只是為了拍出不同角度而多拍幾take。
早前《大叔的愛》人氣高，張立基坦言看過幾集，覺得題材大膽又突破，以前香港社會接受不了，現時就可以，演員也做得不錯。簡慕華與張立基首次合作，表示初時乍看對方，有些角度確實與Anson Lo相像，並對張立基說：「你exactly係 Anson啦。」徐㴓喬想看張立基跳舞，甚少與MIRROR來一場battle，張立基回應：「battle我會好辛苦，但如果有機會，都想同佢哋合作。」
張立基在這次拍攝工作上與導演、演員及攝製隊相處融洽，合作愉快，因為有一段時間沒有拍攝工作，表現一般，感謝大家對他的包容，「因為呢個疫情成兩年幾，自己又有少少胃腸問題，做唔到咩運動，跳呢part舞嘥好多時間，流咗好多汗，塊面都瘦咗啲，冇之前咁肥，拍好嘢出嚟係要付出。」
