東京奧運開幕禮即將在7月23日（星期五）晚上七時舉行，香港3間免費電視台將會同時直播，日前有消息指MIRROR同ERROR奧運開幕禮當日將會現身屯門市廣場，為東奧造勢。
MIRROR經理人黃慧君（花姐）噚日喺屯門市廣場被網民「野生捕獲」 圖片來源：屯門牛牛＠Facebook
MIRROR經理人黃慧君（花姐）噚日喺屯門市廣場被網民「野生捕獲」，有Fackbook專頁Post咗花姐同一眾工作人員視察場地嘅相，網民估計係為周五活動做準備。唔少網民表示到時一定會迫爆屯門，更有屯門街坊開設「屯門牛牛防止屯門淪陷臨時關注組」，網上亦出現唔少meme，睇嚟唔少屯門街坊都「嚴陣以待」。
而喺網民猜測消息真實性嘅時候，ERROR成員郭嘉駿193喺Instagram share粉絲星期五喺屯門市廣場嘅應援活動，令消息準確性增加。
圖片來源：MIRROR、ERROR、193、花姐＠Instagram、屯門牛牛＠Facebook
