黎明的《Talk & Sing 2021演唱會》，昨晚來到第8場，張敬軒擔任表演嘉賓，與Leon合唱《我的親愛》圓夢，他說：「雖然因為疫情唔可以同觀眾握手，但呢首歌都可以同大家互動，大家一定識唱同埋識做動作。今晚可以同你合唱呢經典名曲，我圓夢啦！」前奏響起，全場歡呼，軒仔問觀眾：「各位阿May準備好未？」
軒仔從小就聽黎明的歌，也是一名忠實粉絲，以前常聽到前輩跟他說，如果遇到崇拜的藝人要保持距離，保持幻想空間，但直到跟Leon吃過一頓餐後，再保持聯絡，他終於明白到出道以來，行內每當有人提到黎明，總會大讚Leon為人很好，他說：「的確，Leon的確係我遇過、相處過嘅前輩最體貼嘅人。」接着，他又笑說：「我一直稱呼佢黎生，但佢叫我嗌佢Leon，我心諗，一嗌Leon，就想叫自己做阿May，我覺得今晚係好夢幻嘅一晚。」
軒仔能夠成為Leon演唱會嘉賓，興奮得手舞足蹈，「今日真係好開心，我真係無諗過可以企喺黎明嘅舞台！好神奇，只要前奏一響起，就好似坐上時光機，返到去最開心最快樂嘅時代，好多謝你今次開演唱會，令到我哋可以喺呢個美好回憶當中嚐到一點甜，好重要。」
