TVB劇集《寶寶大過天》今晚就大結局喇，噚晚劇情講到悠悠（岑麗香飾）睇CCTV嘅時候，發現阿山（馬國明飾）搞過佢啲避孕藥，間接令佢意外懷上第二胎。悠悠發現真相之後話嬲到想離婚，仲趁阿山瞓覺嘅時候畫到阿山變「花面貓」洩憤。
岑麗香噚晚喺IG upload咗一張同馬國明嘅合照，相入面馬明嘅妝容正正就係噚晚出現過嘅「花面貓」造型。岑麗香仲喺個post到問有冇人需要「悠悠」幫佢化妝，然後又多謝馬國明嘅信任，願意交塊面俾佢「化妝」。
不過，唔少網民都話如果係岑麗香親手畫嘅話，又唔介意俾佢畫到「花面貓」咁。都有網民讚馬國明就算畫到「花面貓」咁都好靚仔。
圖片來源：岑麗香、my TV SUPER(www.mytvsuper.com)
