大叔的愛
港版《大叔的愛》今個星期五就播大結局，前日講到阿田同阿牧宣布出櫃牧父反應極大，強烈反對二人一齊，阿牧為咗阿田可以配合家人期望忍痛分手，希望成全阿田同梓芊。阿田知道阿牧分手係為佢著想之後，最新一集終於忍唔住開口要求復合，但慘遭阿牧拒絕。
阿田渴望被愛嘅感覺，但係又唔知自己想要同需要啲咩，同阿牧分手之後一邊接受KK嘅好意，又一邊掛住阿牧，令唔少觀眾大鬧阿田做「渣田」。
大叔的愛
劇中阿牧係因為現實考慮而同阿田分手，但現實中嘅同性戀者係咪一定冇好結果？雖然而家有好多國家都開始承認同性婚姻，但仍然有好多人認為同性戀係不被允許，因為同性戀唔可以用「一般正常」方法嚟生兒育女，中國嘅傳統思想係香港根深蒂固，所以令到唔少上一輩好反對同性戀。香港嘅同性戀者甚至要面對社會中歧視嘅眼光，更有公眾人物曾斥同性戀會「搞到亂七八糟」。
香港未太開放接受同性戀，可以播出打正旗號用BL為主題嘅《大叔的愛》都算係突破。另一方面，香港娛樂圈有唔少藝人曾公開承認自己係同性戀者，更參與不同平權運動，為同性戀者發聲。
黃耀明
黃耀明
黃耀明
黃耀明2012年喺個人演唱會上宣布自己係同性戀者，更大膽稱自己係「甚佬」，之後多次為性小眾群體發聲。
王賢誌
王賢誌透露自己二十幾歲嘅時候向父母自揭同志身分。2013年出席香港電台同志節目《自己人》中公開承認自己係同性戀者，2016年同拍拖7年嘅初戀男友Kevin Chow喺加拿大結婚，婚後積極參與同志平權運動，為同志爭取權益。
關菊英
關菊英曾大方承認與同性密友周利偉（Willy）為情侶關係，坦言性別男女都無所謂「最重要是有人疼我」。關菊英公開同志戀人關係後獲香港同志影展頒發「玲瓏大獎」表揚，近日更與周利偉一同出席《溏心風暴》劇組飯聚。
圖片來源︰ViuTV、王賢誌、黃耀明、梅小青@Instagram
