胡杏兒幾年前同TVB約滿後就轉攻內地市場，近年喺內地爆紅，胡杏兒為咗keep住喺內地人氣都好搏，無懼疫情佗住孻仔飛內地開工之外，今年4月生完孻仔李奕宏（Liam）極速復工，而5月尾更帶埋二仔李奕霖（Ryan）一齊北上開工。
杏兒同二仔一走就4個月，除咗拍廣告，仲要周圍飛去拍劇，所以之前胡杏兒唯有透過視像同老公、囝囝見面，同Liam慶祝出世100日都要用FaceTime。
杏兒帶埋二仔開工，原因係想培養母子感情。事緣有報道指杏兒2019年拍完內地劇《末代廚娘》，返到香港後發現大仔（Brendan）寧願同工人姐姐一齊都唔多理佢，兩母子關係變得好疏離，令杏兒一度情緒失控抑鬱爆喊。所以杏兒老公李乘德提議趁Ryan仲細，就帶埋佢一齊開工，咁樣杏兒就可以一邊搵錢，一邊同二仔增進感情。
圖片來源：胡杏兒、李乘德＠Instagram
