吳雨霏(Kary)婚後專心照顧家庭,暫別幕前演出。Kary噚日出席活動時透露唔再生小朋友「兩個夠晒數」,有計劃復出幕前工作,仲坦白講有興趣做《全民造星IV》導師。

吳雨霏
Kary表示同環球唱片傾緊續約,雙方合作多年「講心唔講金」,有進一步消息時會再通知大家。熱愛唱歌嘅Kary早前喺電台受訪時,亦話希望可以盡快再上台唱歌,透露依家喺屋企唱兒歌,都想搵個機會喺小朋友面前上台唱。
Kary透露依家有接吓唔同活動,逐漸復出幕前。有指ViuTV《全民造星IV》計劃邀請昔日女團出身嘅Kary出任節目導師,幫助打造「女版MIRROR」,但佢透露未同有關方面接觸,坦言自己有興趣擔任導師。
圖片來源:吳雨霏@Instagram