黎瑞恩（小恩子）向來熱心公益，近日政府派發的電子消費券開始可以上網登記，但她想到d長者們未必懂得做網上登記，所以她決定組成一個義工隊幫他們解決此問題。小恩子又希望租借流動廣告車，方便服務居住偏僻的老人家，「可以俾公公、婆婆們好舒服咁上車慢慢登記同問嘢，義工又唔駛曬到儍咗。」
其後小恩子聯絡流動廣告車公司，老闆更全力支持其計劃，免收租車、司機，和貼車身廣告貼紙費用。小恩子感動寫道：「嘩，我感動到眼淚都標埋出嚟呀。突然嗰刻覺得香港真係有好多有愛心人，真係太好喇。老闆仲話：『以後有乜需要幫手隨便出聲，我哋有好多車！』」
在有經驗的義工和司機哥哥帶路下，小恩子與團隊連續跑了幾個偏遠的地方，三日內總共幫了七百多位長者登記申請，讓她深深感受到很多人是需要幫忙的。小恩子最後感謝一班義工朋友和廣告車公司，「感激、感激再感激，間有愛。希望呢一種互助互愛嘅精神繼續有多啲人參與。」
部分圖片來源：黎瑞恩@Instagram
