《聲夢傳奇》主理人李克勤一直陪住學員練歌、特訓，日前指導何晉樂（Rock）演唱《我不會唱歌》，令佢拎到24盞燈嘅好成績。而之前父親節「星夢」學員仲送咗個簽名足球俾克勤，可見大家感情都十分好。
《聲夢傳奇》賽事進入白熱化階段，但有傳內地節目《中國好聲音》新一季搵克勤頂替請辭嘅周杰倫擔任導師，克勤唯有忍痛放棄《聲夢傳奇》，而克勤嘅節目酬勞更高達千萬。
《聲夢》決賽將於7月中舉行，克勤除咗隔空為學員打氣，還私下邀請同樣歌藝了得嘅張敬軒頂替佢擔任主理人。軒仔之前都有留意「星夢」學員，所以知道有機會任導師嘅時候即應承。軒仔接受傳媒訪問時，都表示會同幾位學員分享佢喺台上紓壓嘅方法，希望可能幫到學員減低心理壓力。
圖片來源：張敬軒、李克勤@Instagram、my TV SUPER(www.mytvsuper.com)
