現年31歲嘅吳海昕（Sofiee）去年憑ViuTV劇集《二月廿九》爆紅，參選香港小姐入行嘅Sofiee原來做過空姐，o佢趁住噚日黑雨同大家分享當年空姐照。
吳海昕（Sofiee）係極簡主義者，日常生活中都會實踐「斷捨離」。噚日因為黑雨工作取消，就「斷捨離」電腦入面嘅檔案，搵返空姐時期嘅相，勾起佢21歲四圍飛嘅回憶。佢話做空姐嘅時候，天氣先係佢哋嘅「大老闆」，諗起有次8號風球，同同事經歷 free fall 數秒降落。自嘲當時得21、22 歲嘅自己好MK咁企喺機門感受風雨，講笑話：「只要你不尷尬，尷尬的就是別人啊！」仲話自己至今仍然會發standby call嘅惡夢。
原來張相距離而家已經過咗十年，唔少網民都話Sofiee個樣冇變過，講笑問Sofiee係咪食咗防腐劑？不過都有網民「錯重點」驚訝極簡主義者Sofiee連電腦相都要斷捨離。
點擊睇更多吳海昕靚相：
圖片來源：吳海昕＠Instagram
