Advertisement

Mean Talk|吳業坤曾被化妝師白眼  崔建邦做PA學懂尊重他人

本地
2021.06.26
400

009

江美儀與林盛斌主持的無綫節目《Mean Talk》來到最後一集,請來吳業坤、崔建邦、謝東閔、關嘉敏擔任嘉賓。

005

崔建邦入行以來跟不少女藝員傳過緋聞,更被封「溝女王」,不過現時與女友Jessica感情穩定,亦視對方為結婚對象,似乎對結婚有所準備,暗示道:「適當時機我會嚟㗎啦!」另外,曾擔任PA的他談及當年工作的辛酸,除了忍受別人脾氣,亦要任勞任怨及接受超長工作時間,因為有過這種經歷,更懂得尊重他人,他說:「以前太覺得自己係個artist,成日諗住幾點收得工,『你哋快啲啦,我要趕去食飯呀!』但真正做咗幕後就會諗,『你(藝人)早收去食飯?我仲要番公司大把嘢做呀』。自此我學識咗尊重身邊工作人員係好重要,專業都好重要,我第一次有呢個感覺,呢個長遠嚟講對我係好事。」

坤哥最近對《聲夢傳奇》學員姚焯菲(Chantel)著迷,他強調自己沒有非分之想,之前有次在差點在化妝間碰面,心裏很掙扎到底要不要過去打招呼,但最後也強忍這份「衝動」,他表示:「我真係好忐忑,我驚如果我行過去打招呼,佢對我有壞印象咁點算?!」即被其他嘉賓取笑:「你無事啊嘛?真係好鍾意喎咁!」坤哥解釋:「我寧願我係零、係nothing!都唔想係負數。」此外,坤哥也透露曾被化妝師白眼的經歷,當時正排隊等化妝,見到空位便坐下,輪到他化妝時,那個化妝師只是「掃一掃」,約一至兩秒已完成,他說:「我心諗係咪真㗎?但我又唔敢問佢係咪已經化完。我唔係要你化到我好靚仔,但呢一個(感覺)係唔被尊重囉。」他之後只好默默「補妝」。

111

關嘉敏透過選秀節目岀道,轉簽TVB後遭網民抨擊「反骨」及「忘恩負義」,提起舊事時即激動落淚。謝東閔則提及當年被導演激怒,一拳打落枱洩憤,又大爆謝天華拍劇怪癖。

點擊放大睇更多節目花絮:

聲夢傳奇 MIRROR 星級企業大獎2020
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/entertainment/wp-content/uploads/2021/06/009-20210626080409-150x150.png?v=1624694660