由練美娟、強尼、沈殷怡擔任主持的節目《造美人》已播到第3集，經過一輪淘汰賽後，12強正式誕生！包括芷橋（劉芷橋）、Kathy（張育玲）、AB（劉兆汶）、Miko（歐陽玉婷）、OK（胡靄琪）、Ann（陳芊妤）、Shweta（林珊妮）、Semi（黎韋彤）、Tracy（周卓盈）、Ice（嚴楚翹）、Stella（楊芷羚）同Jonie（曾祖妮）。
即睇入圍12強：
本身跌入候補區嘅芷橋，當知道成功晉級12強嗰時，都好驚訝咁「吓」咗聲，仲激動爆喊。而節目賽制亦反映現實社會中「公主」同「平民」嘅待遇分別。現場觀眾即時票選12強佳麗修圖後「未來的我」排名，頭四名加入沈殷怡「公主組」，包括Tracy、OK、Kathy同埋Ice，其餘八位佳麗則加入練美娟「平民組」。
之後兩組會接受唔同療程測試、學化妝技巧同健身訓練，學習化妝嘅時候，OK俾導師Yuki話「化咗妝等於冇化」，又話其實佢全部化妝品都係多餘，想扔晒佢，搞到OK喊住講：「估唔到我Taste咁差。」。而進行健身訓練嘅時候，身為健身教練嘅AB表現最好，而12位參賽者中，芷橋的體內年齡係43歲，係所有參賽者入面最老。
OK爆喊全面睇：
圖片授權：ViuTV
