周嘉洛因拍攝新劇《痞子殿下》，要暫別《愛‧回家之開心速遞》。 周嘉洛今日出post表達對《開心速遞》劇組嘅不捨，仲表示「金城安，會再見的」。唔少劇迷都留言話唔捨得安仔，仲話一定要再見！
最新一集《愛．回家》《再見安仔》係「金城安」周嘉洛暫別《開心速遞》嘅最後一集，劇情講到安仔出席畢業禮後獲「吳旺達」領事館招聘，要離港一年。劇中當金城安到吳旺達之後，回想熊家以前對佢照顧周到而感動，安仔透過視像電話邊爆喊邊同熊家中人道歉，熊家嘅家人亦都感動落淚，大派「洋葱」。
蘇韻姿、呂慧儀，林凱恩等同劇演員都喺Instagram post同周嘉洛嘅合照，表示不捨。「熊家」成員，「熊心如」蘇韻姿（Andrea）upload咗《開心速遞》2017年首日開工嘅相上Instagram，坦言好唔捨得同周嘉洛講再見，「1200+集真係唔簡單！熊家冇咗唯一一個唔係姓熊嘅成員係唔齊全㗎！」。而飾演熊若水嘅呂慧儀亦upload噚晚嘅劇照表達不捨，「姓金的熊寶寶，see you later！」
圖片來源：周嘉洛、蘇韻姿、呂慧儀、my TV SUPER(www.mytvsuper.com)