陳敏之每天都會親自送4歲囝囝雷子樂（Eddie）上學放學，靚媽今日在IG分享一段影片表示，每日帶囝囝上學時都有指示動作要做，「每日送佢返學，去到學校門口，我都會錫佢一大啖。跟住我個仔會同我俾心，做三個不同Size嘅心心手勢。我有幾次試過做漏咗一兩個心心，佢都要我補返做，先至比我走。所以佢訓練到我，而家做得又快又準，跟住佢入咗學校，都會擰返轉頭同我講：『媽咪..陣間放學，你係咪會接我㗎？』一定會！永遠都接！」
敏之又笑說這種行為猶如熱戀的感覺，「以上肉麻兼痴纏嘅行為，作為母親我認為呢啲係超級初戀加熱戀嘅感覺！我真係唔識去形容，可能呢種澎湃嘅愛，仲勁過初戀，我承認我已經痴咗，但係真係好想紀念一下，好想等佢大個睇返，我先至係你嘅初戀。」