林欣彤（Mag）昨晚在IG story貼出一張坐輪椅上的照片，見她手腳均有傷勢，Mag今日發文向大家報個平安，她指收到很多朋友關心，讓她感到人間有愛。
Mag解釋受傷原因，「我放狗嘅時候仆咗落大約兩三級樓梯，因為當時我隻狗（飛飛）好失控，而佢真係好大力，發狂咁跑，所以衝力都好大，結果我膝頭哥同下巴落地。我暈咗扒咗喺地下幾分鐘完全郁唔到，聲都出唔到⋯當刻明白到打拳被人knock out嘅感覺，我被個地下knock out咗。」Mag表示當時震傷牙骹及韌帶，還有一點皮外傷，她慶幸沒傷及筋骨。
Mag稱暫時唱不到歌、咬不到食物，而且行動不便，「就當個天安排我放假啦，我都預咗有一日放狗會跌親，因為成日都危危乎，但冇諗過可以跌成咁。好返之後我要操得大隻啲！強壯啲！睇住嚟啦！」
Mag趁機感謝所有問候她的每一位，「我覺得好溫暖好溫暖，仲有係話要隨時ready出嚟幫我同埋隔空幫咗我忙嘅每一位，好感動好感動，我真係好幸福。係痛嘅，係煩嘅。但係往往哩啲moment就係愛湧出嚟嘅時候了⋯⋯多謝各位嘅愛love you all!!!當然最感謝係我嘅家人，夜媽媽陪我去醫院嘅細佬同daddy，煮粥俾我嘅媽咪⋯祝我早日康復，Positive vibe!我會好快好返嫁！」她又笑說：「我隻狗完全唔知發生咩事所以毫無悔意，好傷心仲好傷身，養狗不容易，我決定嬲佢幾日。」
圖片來源：林欣彤@Instagram