Advertisement

【開心大綜藝】宣傳節目遭網民留言嫌「娘」 衛志豪感覺被挑釁寫千字文反擊

本地
2021.05.10
741

222

昨晚(09/05),衛志豪與一眾《伙記辦大事》演員亮相《開心大綜藝》,宣傳劇集兼慶祝母親節,他又在IG的限時動態貼上現場情況,並留言「準備中」,豈料有網民回應指節目「好娘」,並附上哈哈笑的emoji,又傳MIRROR的演唱會照片,取笑道:「你們節目太老土,阿婆都唔睇。」衛志豪感覺被挑釁,馬上質問對方用意,直指對方不懂尊重別人,字裏行間充滿怒氣,該網民未料衛志豪有此反應,立即道歉。

 

衛志豪更新IG限時動態,問粉絲有沒有捧場。
衛志豪更新IG限時動態,問粉絲有沒有捧場。


衛志豪公開與該網民的對話內容:

可是,衛志豪怒氣未消,之後在IG寫下千字文,並分享對話截圖讓大家評理,表示:「本來噚日母親節過得好開心,我都唔想咁嬲,但呢位先生唔知點解係都要撩我,我真係忍唔住,你唔delete啲對話,我都冇咁嬲,你delete即係你覺得唔啱數,最憎啲人講過嘅嘢唔算數,答咗你咁耐,最後話可能send錯,咁我唯有講出黎等大家平下理,如果我有錯,我可以公開道歉。我係IG度post我自己嘢,同你又唔係好熟,我唔知你send呢啲說話俾我係咩意思‥‥‥我唔知我個post有咩得罪你,你以咩身份同我講呢返啲話?你可以話我演技差、口才唔好或者樣衰都得,但你唔可以抹煞一個節目成功與否,每樣嘢都有人鍾意有人唔鍾意,你唔鍾意想叫想認同你?個節目我都有份做,你想我俾咩反應你,成個節目嘅人都係我朋友!」

333

衛志豪在《開心大綜藝》現場看到表演嘉賓用心準備,卻換來不尊重,替他們不值,「我今日母親節冇同阿媽慶祝,專誠為《伙計辦大事》上《開心大綜藝》做嘉賓,同香港嘅觀眾一齊慶祝母親節,我覺得係榮幸同埋責任嚟嘅,我哋嗰部分短短幾分鐘嘅嘢,都排咗兩日,更何況一班表演嘅小朋友同埋四位上台又唱又跳嘅媽咪,我都唔知佢哋排咗幾耐!仲未計台前幕後同埋幾位司儀!仲有就係,原本我冇親眼見到我都唔信,一位冇份演出嘅高層,我兩日綵排都見到佢一早企左喺度,喺現場,睇綵排俾意見,最後走嗰隻,佢之前睇咗幾多晚我就唔知啦!」

衛志豪表示不認識MIRROR,但對他們深感佩服,「我唔會評價人哋演唱會好唔好睇,但我知道做一個演唱會真係唔容易,我以前跟過郭富城、劉德華、陳奕迅、譚詠麟、張學友、黎明、等等去做無數次演唱會全程報道採訪!我會尊重所有表演者,因為我知道每一個都付出好多!我唔認識呢班後生仔,佢哋都唔會識我,但我都佩服佢哋!祝演出成功!」

衛志豪雖然不認識MIRROR,但希望他們演出成功。
衛志豪雖然不認識MIRROR,但希望他們演出成功。

另外,MIRROR演唱會尚未完結,今日便傳出喜訊,指花姐已替MIRROR入紙申請明年初的紅館檔期,未知經此事件,衛志豪可會被邀請觀看MIRROR紅館騷,讓大家認識認識?

今日有傳花姐已為MIRROR入紙申請明年初的紅館檔期
今日有傳花姐已為MIRROR入紙申請明年初的紅館檔期
衛志豪公開截圖寫下千字文後,網友反應兩極。
衛志豪公開截圖寫下千字文後,網友反應兩極。
有網民支持衛志豪的言論,亦有人指他借MIRROR博見報。
有網民支持衛志豪的言論,亦有人指他借MIRROR博見報。

部分圖片來源:衛志豪@Instagram

G.E.M 許志安 鄭秀文
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/entertainment/wp-content/uploads/2021/05/40095184-168945667335496-9145462863730352644-n-20210510113604-150x150.jpg