大台節目《大整蠱》昨晚（30/4）播出最後一集，最後一位被整蠱對象係李佳芯（Ali），而聯手整蠱Ali嘅嘉賓唔止有江美儀，仲有TVB高層樂易玲助攻，Ali點會唔信《Mean Talk》係真節目？
江美儀、林盛斌（Bob）、黎諾懿喺假節目《Mean Talk》逼李佳芯爆圈中內幕，Ali愈講愈有情緒，樂易玲同江美儀仲逼佢要講邊個係佢「最不想合作藝人」。當李佳芯用好友麥美恩作為答案時，江美儀唔滿意呢個答案，逼到Ali起真火，直指不想再在清談節目與江美儀合作，江美儀即刻演技爆發扮喊，同一時間，Ali都驚到爆喊，喺呢個時候，農夫終於捨得埋尾，話俾李佳芯聽，佢被整蠱了。
圖片來源：my TV SUPER(www.mytvsuper.com)