林欣彤（Mag）昨晚在社交網分享在旺角busking的片段，片中見她與兩位busker阿力古和小丸子於地鐵前表演，Mag唱出歌曲《Little Something》以及Beyoncé的《if i were a boy》，四周聚了數十名圍觀，齊齊為Mag等人打氣，場面非常熱鬧。
Mag寫道：「嗕日突然間喺旺角街頭busking，真係完全無宣傳無事先聲明。當街上嘅人純粹因為自己嘅歌聲，而聚集喺度聽自己唱歌，滿足感真係好大好大。好耐冇感受過哩個咁純粹嘅感覺，好自由、好專注、好享受。冇搭出嚟嘅舞台，同聽眾企喺同一個水平，冇華麗嘅服飾，冇燈光設計，只有簡單嘅音響、最基本嘅音樂同歌聲，好似搵返好耐冇試過嘅感覺。感激，初心仍在，好快樂。同埋好開心都真係吸引咗好多人企喺度聽。」她又指希望與兩位有機會再Jam歌。
