關心妍（Jade）自2016年推出《關家姐》、《人生銀行》後，相隔5年冇出廣東歌，今日終於有全新廣東歌曲《腍》面世，這首由黃偉文（Wyman）填詞嘅作品，唔少網民都話唔知個歌名點讀？
Wyman喺Instagram透露，呢張唱片一早由2018年春天開始籌備，足足等咗3年時間先派歌。對於歌名點述，Wyman暫未講解，而「腍」字讀音其實是「林」，有「腍善」嘅意思，雨僑亦有Wyman個post度留言：「你真係出晒名腍善。」
近幾年Jade大部分時間都係忙住湊女，同經營音樂學校，相隔一段時間回歸，身形一啲都冇走樣，海報上的造型簡直可以用fit爆嚟形容，難怪好友林欣彤、孫慧雪都大讚佢係索爆人妻。
圖片來源：關心妍、黃偉文＠Instagram