Advertisement

林文龍拒提名囡囡選港姐 原因係呢個?

本地
2021.04.09
1.4k

亞洲心動娛樂(AMM)副總裁林文龍日前與好友謝天華作客音樂節目《限聚音樂Hear To Feel》,二人不但暌違15年再度合作,還首次在節目上同台開金口,大談工作、家庭事。而林文龍被問到會唔會俾個囡參選《香港小姐》,佢竟然咁樣答?

20210409-lml2

林文龍拒提名囡囡選港姐

近年不少星二代跨足影視界,問到二人會否支持子女入行,愛女心切的文龍不但即時say no,更搞笑表示拒絕提名女兒林天若參選港姐:「目前為止我覺得我個女應該唔會(入娛樂圈),因為佢個性內斂,喺學校著泳衣上游泳堂,佢都唔係好想,所以佢見到人哋參加《香港小姐》,都會擰晒頭。(如果佢話媽媽都係港姐出身,然後識到你呢?)我會同佢講,唔係個個都咁好彩㗎,哈哈哈。」

天華則表示會放手讓仔仔嘗試,不過談到若然女兒擁有港姐夢,他即爆笑秒回:「我唔會做佢提名人㗎!不過如果佢想拍戲,我諗都會俾佢試下。」同時表示兩公婆在育兒上有共識,相當重視與子女的溝通,所以一家人無所不談。

林文龍率真常得罪人

20210409-lml1

入行超過30年,林文龍和謝天華的演藝起點雖然不一樣,前者透過「超級新星選舉」出道、後者則以唱跳起家,不過同樣捱過苦過。文龍憶述從訓練班畢業後,曾當了兩年的跑龍套:「古裝片一定飾演衙差,時裝片就揸住『大哥大』跟黑社會大哥;我試過在《太平天國》同時扮演四個角色,演完清兵、再演舉人和死屍,因為公司計算很精準,臨時演員以日薪計算,訓練班的人拍幾多日都係一樣薪酬,所以我哋好好用。」天華也坦言,從歌手轉型為演員的過程中,曾為了演出機會,做盡大大小小的奸角:「例如姦淫擄掠、打女朋友、變態殺人犯等等,我唔介意,乜嘢角色都做,最重要係演出機會。」

20210409-lml3

提到工作路上的樽頸位,天華坦言試過九個月零工作,每天無所事事,也因而影響情緒:「當時唔係好想見人,最後我揀咗一個星期六,去到銅鑼灣最多人嘅三角位,行返入人潮當中,慢慢就好番啲,算係自己救番自己。」文龍亦表示年輕時個性剛烈火爆,吃上不少苦頭:「低潮時,人哋會覺得少一個對手,佢就多一個機會,當下我係深深感受到呢句說話。」天華聞言也認同好友率性,更笑指對方是「娛圈奇葩」:「簡單來說,你當時就係得罪人多、稱呼人少,其實你喺呢個圈生存到,真係一個奇蹟。」文龍隨即表示自己經常還神,場面搞笑!

 

惠英紅 許志安 鄭秀文
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/entertainment/wp-content/uploads/2021/04/20210409-lml2-20210409050943-150x150.png