張繼聰近年迷上電單車，時常與森美、張振朗等人組團馳騁各大公路，好不威風，IG帖文更充斥大小自駕短片和與愛車合照，甚至比老婆合照更多‥‥‥早前，阿聰趁謝安琪生日，「搏大霧」想說服老婆大人多買一部電單車，卻被看穿，搞笑互動別具娛樂性。
老公愛車成狂，未知謝安琪是否受到感染，她今日（08/04）在IG發布一張「駕駛」電單車的照片，表示已報名學電單車，「我究竟諗緊乜嘢？我係諗緊‥‥‥屋企全部都係棍波車，我一定要考到棍波車牌！如果唔係，有人又有藉口‥‥‥再買新車，為咗呢個原因，一定要考棍波，事情就係咁樣決定。」
謝安琪報名當日穿着寬鬆衣服，妨礙駕駛電單車，她特別為此解釋：「服裝方面嚟講，可以話係錯晒，我冇諗過原來報名當日可以得到機會，坐上電單車感受一下，感謝導師安排；雖然服裝方面可以話係嚴重出錯，但係無損我凌厲眼神。」
阿聰成功令老婆邁出學車之路，留言：「咁高興，一定要送份禮物俾你，賀一賀佢。」究竟阿聰這個再買車的「甜蜜陷阱」會否再被老婆看穿呢？
圖片來源：謝安琪、張繼聰@Instagram