RubberBand於紅館舉行5場《Ciao》演唱會，昨晚來到第3場，主音6號自彈自唱《M.A.M.A.》悼念去年離世的媽媽，提起媽媽更一度泣不成聲。
6號自言不是一個擅於面對離別的人，他說：「我媽媽舊年3月離開咗我哋，我唔知點解仲夠膽做呢個音樂會，仲要好快就決定要叫做『Ciao』。我仲經歷緊呢件事，但音樂真係好神奇，喺呢段時間我彈多咗結他，又因為疫情，好多時間留喺屋企，當然其實都仲係彈得麻麻地，但都感激有音樂去go through（經歷）呢件事。」說着說着，他已開始哽咽，停頓片刻，觀眾立即拍掌以示鼓勵；他表示有一位泰國朋友也在經歷喪母之痛，也希望在此向朋友送上鼓勵，「佢嚟唔到，但我知佢會睇到。」
為了紀念媽媽的偉大，6號聽從朋友的建議，通過寫文、寫歌、出post、彈琴玩音樂，以另一種方式懷念她，「我覺得呢個做法可以有好大力量，因為湊到你咁大嘅呢個女性，其實喺城市裡面冇人會記得佢，惟有通過寫歌去記低佢，分享俾多啲朋友知。」每每著手寫這些題材時，他總是控制不了傷痛而爆喊，寫不下去，幸而有老婆Tim Lui代他寫出心聲。
