現年35歲嘅女歌手麥貝夷，噚晚出咗段IG Story怒數舊愛係位渣男，仲大爆對方有多位性伴侶，最後仲寫上「生日快樂 生生不見了」，唔通講緊呢日生日嘅前緋聞男友翟威廉？
麥貝夷留言：「今天才知道，你性伴侶的數量多得驚人，然後你對外說的就都是我主動，你完全沒有做任何事情讓我們開始，也從沒有挽留我，原來疼愛和照顧都是演出來的，還把我當傻瓜一樣告訴別人。生日快樂，生生不見了。」
咁岩麥貝夷前緋聞男友翟威廉就係噚日正日生日，唔通呢位渣男就係港男翟威廉？不過翟威廉回應傳媒嗰陣，就即時否認麥貝夷所講嘅人係自己，仲激動表示話冇其他回應，佢仲話自己唔識得麥貝夷嘅男朋友，祝福佢平安無事。
圖片來源：麥貝夷、翟威廉＠Instagram