Advertisement

【公關災難】無綫惡搞姜濤惹公憤 馮盈盈補鑊:努力捍衛姜B形象

本地
2021.03.27
1.1k

002
曾志偉以擔任副總經理身份回巢無綫,上任主理綜藝和音樂製作,各個節目都有大改革,日前(24日)更隆重其事,大台多位藝員出席「超級綜藝 隆重登場」記者會,介紹即將推出的綜藝節目。

鄧智堅出場扮姜濤
鄧智堅出場扮姜濤

介紹到周日播出的直播節目《開心大綜藝》時,鄧智堅出場扮姜濤,並自稱「薑蓉」,又唱出姜濤的歌曲《蒙著嘴說愛你》歌詞「So I say I love you」和連快餐店廣告急口令,最後更做出姜濤的招牌「派心心」手勢,麥美恩即叫囂「收聲啦!」而馮盈盈也高呼:「你夠膽嚟踩場?打到你變薑蓉!」林盛斌亦大叫:「𡁻佢!打佢!」

juknryqk0fs_1cd-b72gpokrj44ehcvczbd3ymwq92a

無綫昔日的長壽綜藝節目《歡樂今宵》中之模仿表演大受歡迎,時至今天仍沿用一貫製作模式,希望吸引觀眾,不過網民均狠批無綫的節古板過時,而惡搞姜濤一舉更是「低俗無比」,紛紛留言:「真係好尷尬」、「真心好有亞視執笠前嘅味道!」而扮「薑蓉」的鄧智堅也被追擊,「姜糖」大舉到其IG炮轟他,「與其去模仿同挖苦一個比自己出色同優秀嘅人,倒不如加把勁去做一個更優秀同更有特色嘅自己,絲毫損害唔到對手不特止,仲令自己更加可憐!」

「姜糖」追擊鄧智堅
「姜糖」追擊鄧智堅

164819928_552952645679040_2670970361153059992_n

馮盈盈見羣情洶湧,她即在IG貼出與姜濤合照拆彈,又上傳一段欣賞MIRROR表演時大聲為姜濤歡呼的影片,並寫道:「呢個moment我要爆喇!其實我嘅真正身份係追星族。我一邊努力撲緊Mirror演唱會飛,一邊努力捍衛姜B喺我心目中嘅形象。嗰啲什麼姜蓉!?就算再扮得幾盞鬼,就算再向我姜B致敬,就算香港人再多幽默感,都接受唔到囉。今晚我實打多兩碗姜蓉撈飯食,咁先吞得落呢啖氣。無咩事嘅話,我出返去撲飛有無人有多3張Mirror演唱會飛俾我?我助手同佢朋友都想睇。」

fyy

網民都鬧爆馮盈盈多此一舉,「公關災難係咪好難拆呢?PR繼續努力」、「秒速割蓆」、「兜唔到」、「算啦你,肉酸呀」、「扮極都係俗氣㗎啦」,又有人建議她,「索性過檔ViuTV,咁咪日日都有得嗌姜b囉」。

163955650_501692130845186_664267054032648897_n

screenshot-2021-03-27-at-3-18-45-pm
繼馮盈盈後,阿Bob亦發文道歉︰「收到各位嘅意見,亦明白大家嘅感受。如果我嘅行為同言論令到任何人唔開心,我衷心同各位講聲唔好意思,對唔住。亦向姜濤同其他支持佢嘅朋友及粉絲表示,我為我一時衝口而出嘅不當說話令人有唔好嘅感受,感到十分抱歉,我亦會好好檢討我日後嘅言行。」網民指他知錯能改已是好榜樣,也有人留言:「做人基本,互相尊重傷害到一方既就已經唔係『玩下啫』,己所不欲,勿施於人」Bob回覆道會好好檢討自己,尊重別人,並從錯誤中學習。

MIRROR早前宣布開成軍兩周年演唱會, 因反應非常熱烈,主辦方決定加開兩場
MIRROR早前宣布開成軍兩周年演唱會, 因反應非常熱烈,主辦方決定加開兩場
姜濤及所屬之男團MIRROR今個月均推出新歌MV
姜濤及所屬之男團MIRROR今個月均推出新歌MV

部分圖片來源:姜濤、MIRROR、馮盈盈、鄧智堅@Instagarm

黃秋生 許志安 惠英紅
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/entertainment/wp-content/uploads/2021/03/164819928-552952645679040-2670970361153059992-n-20210327063602-150x150.jpg