鄭中基於三月初宣布下月24及25日舉行自駕演唱會，今日（26/03）公開售票，車輛套票在短短兩小時內搶購一空，主辦方隨後宣布加開4月23日一場。
鄭中基表示香港首次舉行自駕演唱會，起初也擔心太新鮮而令觀眾卻步，不過知道售票首日已有好反應，而且更可以加開一場，感覺很開心。雖然演唱會以「drive in」作招徠，但其實沒有車也可以進場觀賞，鄭中基說：「個show坐嘅觀眾位係多過車位嘅觀眾，導演本身做開戶外show，佢已經有經驗去計算車位同觀眾席觀眾，會睇到個台同三大幅LED MON嘅距離同角度，照顧每一位入場嘅朋友！」
距離開騷不足一個月，鄭中基已初步定下演唱會Rundown，早前更相約Joey Tang一起為舊作品重新編曲和商量邀請嘉賓的事，他還說：「今次個台好大，除咗練歌，都要跟教練去跑步練氣，操fit一下。」
