黃建東（東東） 在無綫熱播劇《陀槍師姐2021》中飾演懸案小組成員李志隆，他還自封做港版GD。現年的39歲的東東，2011年參選香港先生入行，近年漸漸變成豐滿熟男，而其樣貌亦被指有所轉變，他的皮膚光滑緊緻，似足Barbie公仔的男友Ken。
東東今日在IG貼出多張舊照，以證明自己的樣子變化不大，：「因為《陀槍》而見到啲報道，話我個樣而家唔同咗。跟住我搵返我中學嘅相片：渾圓的眼仔，彎彎的臥蠶，挺窄的鼻子，豐滿的蘋果肌，厚厚的嘴唇，唔係一早已經存在喇咩？唯一變咗係我脹爆咗嘅身形。」他又笑說：「我細個着衫啲taste都真係幾得人驚。如果俾我整，我只會想整細啲個顴骨同嘴仔，仲點會特登整大佢？其實除咗阿Ken，我可唔可以似第二個人？」
圖片來源：黃建東@Instagram