張曦雯（Kelly）今日出席美國運通信用卡活動，她表示向來喜愛在網上購物，但因疫情關係收入減少，故近期減少網上購物。她指跟男友經濟獨立，從未要男友幫忙找卡數，而平日拍拖食飯撐枱腳，她亦不介意AA制。
Kelly透露稍後會到深圳拍攝《白色強人II》，在當地隔離21日期間，Kelly稱有很多時間打機滴磨時間；劇集拍至4月尾，問到要與男友分開兩個月，Kelly說：「我都慣咗，平時開劇都好少見。」提到情人節，Kelly笑言並非浪漫之人，與男友在家中度過已很滿足，「佢平時唔下廚，嗰日佢難得下廚煮牛扒同整沙律畀我食，佢仲有送花俾我，雖然之後2日間屋仲係嗰陣牛扒味，但我好欣賞佢，佢好有心。」