上月月尾，湯怡（Kathy）及麥秋成突然宣布結婚兼即將榮升父母，並表示會入紙排期註冊，婚期臨近，今天（9日）下午他們已完成過大禮儀式。
二人過大禮儀式跟足傳統，禮品包括大筒花膠、瑤柱花菇、龍鳳鈪、金豬牌、首飾、中式禮餅、巨型生果籃、紅酒、椰子等，多到一張大枱都擺唔晒。提到過大禮情況，Kathy笑言自己乜都冇做，只是齋坐，「我都係坐喺度㗎咋，哈哈，冇人夠膽俾我做嘢。就算我想幫手，佢哋都會話：『你唔好呀你唔好呀……』不過都好嘅，呢段時間大家都係當我一個公主咁對待。再加上秋明（麥秋成弟弟）係wedding planner，所以好多嘢都係佢幫我哋manage。」
問到身體狀況，Kathy說：「我覺得呢個感覺好奇妙，自己都好興奮，暫時未緊張，反而會同啲朋友，或者家姐傾吓生完之後bb之後會點，好多知識而家吸收緊。同埋都睇好多媽媽書，譬如坐月嘅時候應該食啲乜？懷孕期身體上會有啲乜嘢變化？同埋會補充好多supplement，希望可以有足夠嘅營養俾bb。」
部分圖片來源：湯怡＠Instagram