Advertisement

【加盟TVB】曾志偉獲邀做副總經理 王祖藍任首席創作總監

本地
2021.01.21
3.9k

踏入2021年,TVB除了向短篇劇集發展,今日更宣布新人事任命,獎門人曾志偉、王祖藍將會加盟TVB,分別擔任電視廣播有限公司集團副總經理及行政局特別顧問、首席創作總監。

47bdc040-96c2-4c50-93a0-9e5780cd9fde

曾志偉獲邀擔任電視廣播有限公司集團副總經理及行政局特別顧問,他回應表示:「好榮幸得到TVB行政委員會及主席許濤先生的信任和邀請,可以番到去TVB這個大家庭,一個係我喺電視圈成長的地方,再次與我一班舊同事一齊共事,實在係好開心!更重要的是,TVB明年便踏入55周年的大日子,我好想與觀眾一同繼續分享昔日的歡樂之餘,也希望大家可以攜手向前邁進。與此同時,我亦希望憑藉自己過去在影視界多年的經驗,融合年輕新一代的新思維、新創意,從而培育出更多人才,務求製作更多高質素及多元化節目,將更多歡樂帶俾大家,亦秉承住TVB一貫的精神『全力以赴 做到最好』!」

s190110a206-1024x683

而擔任首席創意官的王祖藍,他將會協助曾志偉在綜藝及資訊娛樂節目內容上的業務發展,「多謝TVB同許濤主席邀請!非常榮幸,期望盡力做好呢個崗位,報答TVB同香港觀眾。我好多謝獎門人,一開始我到內地發展,佢俾咗好多錦囊我,呢十年喺外面發展得好好,希望為更多TVB新一代藝人打開更大嘅市場。近年我亦慢慢認識好多新數碼平台嘅營運手法,比如:直播/電商/AR VR綜藝製作,過程中透過內地工作識到好多世界不同地方嘅頂尖製作團隊,韓國、美國同日本等等都有,綜藝節目由內容創意到技術都好創新,所以,今次許濤主席邀請,我希望可以帶呢幾年喺外面嘅經驗返去TVB,加強節目創作同跨平台部份,特別嚟緊TVB 55週年,需要更認真思考、籌備,希望今次番去可以為香港觀眾帶嚟更多正能量又創新嘅娛樂。我正在前期準備,暫時要完成晒手頭上嘅工作先返香港,會盡快,期望盡快同TVB同事見面。」

 

部分圖片來源:明報

鄭秀文 黃秋生
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/entertainment/wp-content/uploads/2021/01/47bdc040-96c2-4c50-93a0-9e5780cd9fde-20210121084802-150x150.jpg