Advertisement

【小儀與13型男】林奕匡帶小儀做狗義工 從沒女尊男卑

本地
2021.01.21
439

20210121-sy2

阮小儀主持的《小儀與13型男》最新一邀請了「暖男型」林奕匡Phil)擔任約會對象。期間Phil帶小儀到「毛孩守護者」做義工,二人一起洗狗籠、拖地及帶狗散步,而在餵狗隻時,小儀不慎被狗「胸襲」,幸好得暖男Phil在旁護花,難怪小儀大讚他表示:「Phil100分,都有99分嘅暖男。」

20210121-sy3

小儀認為「暖男」的定義,先是外表已有一種溫柔感覺,就好像棉花般,令人感覺舒服,對於Phil,她更是有讚無彈,尤其當小儀餵狗食零食時,被狗隻「胸襲」時,Phil即以自己身驅為小儀擋着狗隻,盡顯貼心暖男的一面,小儀大讚:「佢同我擋住啲狗、保護住我,其實佢都奀佻佻,論身形橫度,我仲橫過佢,但佢用身體保護住我,令我覺得好Warm。」當問到Phil是不是很多人都讚他是暖男,Phil笑言:「大部分人都唔會刻意咁講我,但我覺得自己都有少少體貼、亦都會為對方諗好多嘢,不過仲有好多進步空間嘅,唔敢話自己係暖男,但都應該係『微暖』啦。」

20210121-sy4

此外,小儀問到Phil平日對太太李靄璣(Rikko)是否同樣窩心,Phil即甜絲絲表示:「未必每日都做到,但自己會花時間、心機去畀驚喜對方,驚喜呢啲嘢係有來有往。」回想未紅時,問到Phil有否介意當時擔任主播的Rikko事業較他順利,Phil擰頭說:「記得嗰時,啱啱有高清台,星期一至五朝早佢都係直播室講股票,嗰時去到任何電器舖,成排電視都播住佢,就連搭的士啲人都認得佢,我為佢感到自豪。」

20210121-sy5

雖然事業不及另一半,但Phil強調從來沒自卑感,不過因為事業問題,卻差點令到二人分開,他謂:「2013年有計劃出多次碟,有機會係最後一次,但佢都擔心我哋嘅將來,始終佢係一個女仔,需要幸福,嗰時佢同我講,要時間考慮應唔應該繼續一齊,我當時同佢講『你估我唔想你幸福咩?就算我係咪你另一半,我都希望你快樂,但我一無所有,我最珍貴嘅就係你』。」分開的第二日,Phil將《Don’t You Remember》的歌詞電郵給對方,內容意旨留空間給予對方,希望Rikko能找回大家失去的感情碎片,能再走到一起。 Phil指自己每次說到這裡也會流眼淚,更直言:「你估我唔想,畀到幸福你嗰個係我咩!」最終二人克服難關,再次走在一起。

鄭秀文 黃秋生
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/entertainment/wp-content/uploads/2021/01/20210121-sy2-20210121064325-150x150.png