底壓軸登場的電影《拆彈專家2》陣容強勁，除了劉德華及劉青雲兩大影帝外，還有姜皓文（黑仔）及黃德斌兩位型男演出，而黑仔更表示能與偶像劉青雲合作非常開心。
姜皓文知道可以《拆彈專家》續集時，他笑指當初以為有機會「調職」做拆彈專家，「其實我以為今次拍第二集會去做拆彈組﹐但原來再次演重案組，但不要緊，如果之後拍攝第三集，我可能有機會做拆彈專家呢！」
提到這次《拆彈》系列加入影帝劉青雲，姜皓文坦言對方是自己的偶像︰「其實對方係一個我好鍾意嘅演員，未入行前已經當佢係偶像，雖然之前大家合作過好多次，但每一次見到佢都係咁吸引，咁有魅力。今次其實想同佢有更多對手戲，但戲中大家好似過眼雲煙咁，於每一件案件穿插，唔係有很多對手戲。」
至於另一位首次加入「拆彈」系列的黃德斌，除了體驗了拆彈過程外，其中一幕講述他與其他拆彈專家奉命去拆彈，卻遇到恐怖分子的狙擊，形勢相當危急！他直言這場戲相當難忘︰「呢場戲係講我哋收到order有人放了炸彈，期間受到槍擊，我中好多槍，係好慘烈的一場戲！」
