39歲的陳明恩（Corinna）2017年與男友鄭獻（Eddy）拉埋天窗，Corinna今年5月宣布懷孕，早前與老公飛抵澳洲待產。昨日兩夫妻迎來愛情結晶品，Corinna平安誕下一名3KG的男嬰，B仔取名鄭源。她原本打算自然分娩，但生產過程困難，故最後決定開刀。
老公Eddy今日在IG報喜，他分享囝囝的相片，並留言：「話說好多人都好想知呢個Mix 嘅BB會係咩樣！依家真係成功透過我哋DNA 製造出嚟喇！暫時目測係啡色髮，深藍眼睛（只開過幾次眼…唔太肯定），黃皮膚！手長腳長，非常活躍…….睇嚟佢大啲之後都係坐唔定喇！辛苦老婆仔。」
兩夫婦又分享了一家三口的合照，開心寫道：「感恩呢一位3KG嘅靚仔BB好健康，一出世就大喊，38周佢決定咗出嚟啦，我哋好多謝大家嘅祝福同埋祈禱！依家呢兩位新手媽媽爸爸好努力學習點樣照顧佢，做個好媽媽爸爸。」
部分圖片來源：陳明恩、鄭獻@Instagram