歌手何弘軒(Alan)母親今年7月確診新冠肺炎,他為了給母親及所有面對逆境的港人打氣便作了新歌《Don’t be Afraid》。他坦言創作過程十分順利,只需數小時便完工,並謂感激過程中獲不少好友力撐:「我同教會朋友講起呢隻歌,佢哋個個都覺得好有意義,所以我話想佢哋幫手拍段片放落MV嗰陣,佢哋都一口答應,好似陳敏之、關心妍、陳明恩等等。」
「而最令我意外同感動係郭晉安(安仔),我同佢其實只係22年前合作過,但我之前撞番佢,同佢講開呢隻歌,佢都好支持,仲二話不說立即拍咗條呼籲片畀我,希望幫到手提高大家嘅防疫意識同埋減少大家嘅恐懼,我喺度想衷心多謝佢同埋所有幫過我手嘅朋友。」
談及母親「抗病」經歷,Alan坦言要靠意志:「我媽咪雖然65歲,但佢拒絕試藥,因為擔心負作用。抗病期間當然係辛苦嘅,因為會好攰,又會反覆咁發燒,但其實只要好好咁休息,增強免疫力,最後都係會康復,我媽咪大概三星期左右就好番。」