Advertisement

【滯留美國8個月】王梓軒平安返港 「嗰邊嘅疫情嚴重好多」

本地
2020.10.23

20201023-wch12

早前滯留在美國洛杉磯的王梓軒,經過重重測試後,日前終於順利平安返港!梓軒話:「嗰邊嘅疫情係比香港嚴重好多,所以都要適應一啲新嘅生活模式,新嘅工作方式啦!」由於太多朋友好奇他從美國準備上機到返港隔離的過程,故此他拍了紀錄短片與大家一一分享。

出發前三日,梓軒已經上網找尋測試covid-19的診所,梓軒話:「其實我喺美國做一個深喉唾液測試,原來我哋周邊啲診所都唔係間間合乎香港政府要求,測試完72小時之後便起程返香港,提提大家你要確定你所有嘅証書同證明都攞齊晒,因為機場服務人員喺唔同嘅關卡都會問你。」

20201023-wch1
穿上3M防疫衣來到機場嘅王梓軒,加埋口罩及面罩,防疫措施做足,梓軒話:「當地機場都比較冷清,我搭嗰架飛機得三十幾人,前後左右都冇乜人,我上機乜都噴乜都抹晒先坐低,其實都好安全,12個鐘頭機我睇咗兩套電影,同埋食咗少少乾糧,其餘時間都瞓覺。」

20201023-wch8

20201023-wch4
20201023-wch10
未出發前,梓軒聽過唔少朋友返港嘅遭遇,所以心裡有數,買了大量乾糧喺亞博等候那十多個小時的檢測結果,梓軒話:「我做完個test,自己一個cubicle(小間隔),等咗5個鐘,嗰5個鐘繼續食我嘅乾糧,打番屋企報平安、覆吓email,雖然都坐咗好多個鐘,但比我預期早咗5個鐘,算好彩!」

20201023-wch11
之後,梓軒便乘車到酒店開始14天的強制性隔離,梓軒話:「到酒店第一件事就係將手帶掃瞄個二維碼後,我就圍住間房行一個圈,等佢哋知道個範圍,如果你離開個範圍,GPS係會通知佢哋嚟捉你,呢個安全措施幾好。」

20201023-wch13

14天的檢疫期,梓軒沒有白過,並話:「我哋唔可以離開間房,出面嘅設施唔用得,基本上真係喺間房睇電視,呢大半年喺美國一路進行緊一啲劇本同音樂嘅製作,習慣咗好多視像會議,甚至乎喺屋企做gym,美國所有gym都閂晒,有首歌我一直都唔得閒錄,所以趁隔離嘅時候錄埋佢,我亦都會隨身準備錄音五寶,加埋酒店啲浴袍做隔音設備。」
20201023-wch14

陳卓賢 星級企業大獎2020 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹