Advertisement

【譚炳文逝世】聞噩耗感難過 薛家燕:炳哥是演藝界好榜樣

本地
2020.09.05

20200204ma008

譚炳文今早離世,薛家燕收到消息後感到非常難過,讚揚炳哥在演藝界貢獻良多,尤其是配音方面,培育了不少新人,「佢可算係配音王,把聲好靚,間中回去配音,視工作於娛樂,敬業樂業,值得後輩學習,係演藝界一個好好嘅榜樣。」
家燕姐與炳哥一直保持聯絡,因為炳哥是個有心人,時常傳短訊予她慰問和關心,例如講早安,或者提醒她小心防疫,「每日都有傳短訊,可以講係風雨不改。」可是兩三個月前,炳哥突然告訴她,要入院檢查身體,可能會中斷幾日短訊聯絡,於是家燕姐向他表示不要緊,最重要身體健康。家燕姐一直想探望炳哥,但是受疫情影響,炳哥女兒譚淑瑩也覺得不太方便,因為探望他要經過多重繁複手續與程序;近日,家燕姐與炳哥也有聯絡,知道他身體情況沒問題,沒料到昨晚突然呼吸困難要入院,今早更傳來噩耗,「我聽到當然好難過,第一,佢真係睇住我哋大,識咗咁多年,第二,我哋《流行經典50年》請佢出嚟唱歌,佢都好耐無出嚟唱歌,佢好錫我好俾面啊,都一齊出嚟同修哥一齊唱歌;幾個月前仍然與囡囡一齊來幫我哋唱歌,好似係唱《念親恩》,真係好難過好唔捨得佢離開,祝炳哥一路好走,佢屋企人節哀順變。」

圖片來源:明報

陳卓賢 星級企業大獎2020 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹