羅家英日前接受由苑瓊丹主持的節目《開工大吉77》訪問，訪問期間，苑仔追問羅家英與汪明荃拍拖逸事，家英哥笑指招架不住，唯有坦白交代。
羅家英：「同苑仔係好朋友，訪問一開始我都話咗『唔好講感情嘅嘢啊』，但佢問到阿姐嘅嘢，特登啄住嚟問！不過真係好耐冇見，所以好多嘢都要講嘅。」苑仔問何以家英哥吸引阿姐，可惜被對方遊花園：「我都唔係好明白，佢都冇同我講，我點知佢鍾意我咩！我對佢都唔算細心，又唔算好遷就佢，外界嘅人以為佢惡過我都好正常，因為佢對工作好嚴緊、要求好高，諗住佢對羅家英都係咁，實情係……都差不多啦，我好難講得出口，好難答！」家英哥自言不浪漫，為給阿姐名份而結婚，笑指自己思想陳舊：「我地冇示過愛，第一次拖手係過馬路，拖吓放手又拖吓咁，之後睇戲佢話好驚就拖住我，大概係咁啦。」
二人先後經歷大病，過程中互相支持，撐起對方的心靈：「其實係亞姐病先嘅，我記得有一次佢內地開會，突然打比我話要返香港睇醫生，咁我咪去接佢囉，知道要做手術佢都驚驚地，全靠我喺旁邊做大男人，『保護你，唔洗驚，有我係度！』，佢好感動囉。」
部分圖片來源：汪明荃＠Instagram