有「三級片天王」之稱的曹查理，於80、90年代主力扮演好色猥瑣的角色，曾拍下逾80部三級電影，包括《特區愛奴》、《我為卿狂》和《卿本佳人》等，而查理在《整蠱專家》中賣催情藥給周星馳的一幕，其「淫賤不能移」的對白亦是相當經典。
現年71歲的曹查理早前獲苑瓊丹邀請，現身香港開電視節目《開工大吉77》，苑仔表示二人無所不談，「佢都話圈中朋友唔多，佢最經典嘅鬼故、拍三級片實況都講晒比我聽，頭先訪問佢講拍完三級片之後點解決、拍攝嘅細節等，我都唔知個尺度出唔出到街！」
查理大爆當年願意接拍三級片的原因，「當年我幾靚仔又高大啊，但成日都做奸嘅，處於半紅不黑位置，最紅反而係志偉、大口青，佢地做晒主角嚟打我，我就一於去拍三級片，睇吓你地敢唔敢！」，他笑指自己從未與圈中人發生感情，話自己歷史「乾淨」，「咁多年都冇同圈中人發生過，一夜情都冇！我記得第一次拍三級片，對手係一個泰國女生，得返塊布遮住，真係睇你夠唔夠遮啦，緊張到不得了，要拋開個心理，淨係諗住錢，收工去邊度洗錢！」
查理更指三級片令他致富，成為影壇搶手貨，「我當時六萬蚊一組，日日開工開足幾年，試過有一次嚟到現場，導演覺得嗰境唔得，照出糧叫我收工！其實我唔介意人地點睇，因為最緊要記得我，而且好多女明星都係得遠觀，我就可以同佢地親近，所以唔抗拒。」
曹查理表示自己已退休不願接受訪問，今次特別為苑仔而出山，「大傻舊時叫我返內地登台，話上去打個招呼就有幾萬蚊，我都唔睬佢！今次苑仔叫到我先出嚟咋，如果苑仔叫我一齊拍三級片，我肯復出，因為呢部一定係笑片，唔會係愛情動作片。」