《愛回家之開心速遞》的一班台前幕後感情深厚，近半年他們還組成「去你唔去行山小隊」，頻頻挑戰不同山徑，「大小姐」林淑敏更笑稱自己染上行山癮，「愈行愈想行」。林淑敏、「送水輝」許家傑、「熊尚善」滕麗名、「細龍生」鄭世豪 和「潮偉」袁文傑等人在端午節再次出動，齊齊到梧桐寨看瀑布。
林淑敏在Ig貼出多張照片，她讚嘆說：「原來香港係咁靚，下次去邊度好呢？」許家傑亦分享感受：「有好多瀑布好多影相位，行左三至四小時（慢慢行，影下相咁）。但對我呢位行山初哥都算幾難（6/10）因為上落起伏都幾多，但多樹蔭所以又唔會太曬。整體係一條幾有挑戰性，幾好玩的。」
而袁文傑則指今次的路徑有點難度，「今日行完梧桐寨，幾個瀑布都好靚，不過上落山時確幾吃力及有難度，意志力搭救⋯⋯ #好有滿足感」
圖片來源：林淑敏@Instagram