關智斌邀父親拍MV 「家用會酌量加返啲」

關智斌（Kenny）今日（13日）推出新歌《日月》，他坦言第一次聽到旋律便十分喜歡，「特別係一開始的嘅鋼琴聲，一聽到就覺得好感動。」錄音時，Kenny亦嘗試了多種不同的方式演繹歌曲，「最後試到用一種暖男嘅感覺唱出呢首歌，因為想俾到大家一種好warm嘅感覺。」

新歌MV由陳詠燊執導，內容講述老一輩用自己手藝養育下一代及上一代，以裁縫一角說出三代關係，並請來入圍今屆香港電影金像獎最佳新演員的陳湛文（Peter）擔任主角，另外還邀得一位神秘嘉賓，「就係我daddy！阿關老先生啦！」問到為何找父親出演角色，Kenny說：「因為同導演一齊去create呢個故仔嘅時候，大家諗由老、中、青三代角度去拍攝，故事入面嘅爸爸係犧牲咗好多自己嘅時間，成全咗三代人嘅幸福，好似我爸爸做緊嘅嘢咁。我突然間諗到既然呢首歌係講喺我生命中對我好重要嘅人，加上『爺爺』呢個角色戲份唔算好重，又唔使做好多戲，所以我就諗不如叫我Daddy去試吓。 」

Kenny的靚仔樣原來遺傳自關爸爸

拍攝期間 ，首次在幕前亮相的關爸爸雖然感到緊張，Kenny卻大讚父親表現專業，「最開心係見到我Daddy都拍攝得好開心。見到佢化妝、整頭、埋位都好專業，令我都發現我嘅演藝天分原來可能都係來自於我爸爸。」

Kenny爆父親在學生時代曾被老師選中當話劇男主角，不過因為對白太多而拒絕，「你知唔知你個仔我真係要艱辛咗好多年先至可以做男主角呀老竇？」關爸爸亦隨即安慰，「咁我唔係（演戲）嗰塊材料吖嘛，而家咪留番俾你囉。」關爸爸還說當年曾想投考電視台的藝員訓練班，可惜最後因沒勇氣而告吹。Kenny笑道：「幸好你沒考藝訓班，否則你怎能那麼快追求到阿媽。我分分鐘未出世，今日就不會在這裏叫你拍MV！（爸爸的酬勞特別加碼？）搭膊頭性質，我會在家用上酌量增加。」

MV尾部貼出多張父子照

關爸爸亦有音樂底子

童年時的Kenny眼大大，十分可愛！