汪明荃昨日在IG上載模仿鄭秀文的爆汗短片，並自稱Sammi2.0，引來熱烈迴響，Sammi除了感謝阿姐的另類支持，昨晚再拍片大讚阿姐扮得神似，阿姐即回應：「呢條片放上IG，只是想娛樂大家啫，無諗過有咁大feedback，多謝大家咁俾面！最緊要開心！」
昨晚開始有不同藝人在IG上載爆汗短片，周柏豪寫道：「阿姐 2.0 #不如一路tag落去啦#一齊做運動#下個邊個接」，阿姐留言：「唔係嗎？玩到咁大？」柏豪再回應：「哈哈阿姐！全民流汗日」，他又提議方力申、連詩雅接力；卓韻芝自稱Sammi2.0，但卻被網友取笑她的汗水是用水壺噴上去；朱鑑然寫道：「今日練咗嘢未！#樣衰過後有艇搭# Sammi3.0#唔好俾佢停」；到今日森美戴着遮光帽，只見膠片上布滿水珠，他指汗水多到滲透在膠片上，又指那些不是雨水，他自言要延續兩位天后級的精神，繼續用汗水感染汗水，努力運動；何雁詩自言要響應汪阿姐與Sammi的挑戰，上載照片並留言：「啲汗真係由頭殼頂滴親我腳趾尾！多做運動身體好。」
汪阿姐繼汪阿tag之後，sammi2.0的爆汗片成為又一被炒熱之作，片段中，阿姐玩得投入又開心，娛人娛己，把娛樂大家精神發揚光大！