35歲的楊秀惠（Vivien），去年10月在社交網宣布與拍拖8年的男友葉世揚結婚，其後於香港入紙註冊。因馬來西亞封關措施，楊秀惠暫時未能返港，但她仍不時在Ig分享其主演的《十八年後的終極告白》劇照和花絮作宣傳。而向來作風低調的秀惠，今日（27日）宣布已榮陞母親，在馬來西亞誕下女兒。
楊秀惠在社交網捉着B女小手的相片，她指今年母親節可以以母親的身分慶祝，「相比原定的時間提前收到了最珍貴的母親節禮物，在馬來西亞因為疫情和行動管制的原因，Baby出生的過程真的一點也不容易，不斷出現很多變數，和突發事件。但慶幸我的女兒終於安全出世了。」同時她又感謝醫護人員的照顧，「在這裏再次多謝馬來西亞醫護人員的悉心照顧，預祝佢哋和世界各地嘅醫護人員及大家都可以盡快抗疫成功。」
秀惠回覆傳媒時透露囡囡出世重6磅，「佢嘅名同我嘅簡寫一樣，都係VY。」她直言產女過程並不簡單：「因為疫情嘅關係，醫院嘅手術室唔係隨時話想做手術就會有，而家手術室主要係留俾啲緊急嘅事故，之不過就算真係好緊急，入院前都要做血液同深喉測試，等報告出咗之後，先可以做手術。」
她指做手術要事前預約，「要俾個日子醫院，批准先可以做，所以之前一直都唔知邊一日可以，日日都有變動，真係好擔心，好彩之後嘅事都好順利。」秀惠又表示由於疫情關係，醫院不能夠讓老公入產房陪產。
圖片來源：楊秀惠@Instagram